Miyerkules, Abril 6, 2022

Makasaysayang pagtakbo

MAKASAYSAYANG PAGTAKBO

makasaysayang pagkakataon para sa bayan
ang pagtakbong Pangulo ni Ka Leody de Guzman
di trapo, di bilyonaryo, at di rin nagpayaman
subalit marangal, matino, Manggagawa Naman!

dati, tumatakbo'y mula sa dinastiya't trapo
walang pagpilian ang mamamayang bumoboto
kaya halalan ay itinuring na parang sirko
maboboto basta sumayaw lang ang kandidato

subalit bigla nang naiba ang ihip ng hangin
ang isyu ng masa'y naging mahalagang usapin
nang tumakbo ang lider-obrerong kasangga natin
bilang Pangulo ng bansa, sistema'y nayanig din

trapo'y kinabahan nang ilampaso sa debate
yaong pasayaw-kendeng na nais mag-presidente
di na tuloy dumadalo sa debate ang peste
este, ang kupal, este, ang magnanakaw, salbahe!

kaya, manggagawa, iboto ang ating kauri
si Ka Leody de Guzman ay ating ipagwagi
Manggagawa ang gawing Pangulo ng bansa't lahi
upang makamit na ang pagbabagong minimithi

- gregoriovbituinjr.
04.06.2022
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

P50 dagdag sahod sa Hulyo 18

P50 DAGDAG SAHOD SA HULYO 18 imbes na dalawang daang piso dagdag sahod ay limampung piso pabor ba ito sa mga grupo ng manggagawa o ng obrero...

  • Nabasa kong tatlong aklat ni Edgar Calabia Samar
    NABASA KONG TATLONG AKLAT NI EDGAR CALABIA SAMAR Una kong nakilala ang magaling na awtor na si Edgar Calabia Samar noong maging kaklase ko s...
  • Kwento: Minsan, sa isang demolisyon
    MINSAN, SA ISANG DEMOLISYON Maikling kwento ni Greg Bituin Jr. Nakatunganga siya sa kawalan. Dumating siyang giba na ang kanilang t...
  • Kwentong agham
    Dalawang aklat ng science fiction Nabili ko ang librong The Caves of Steal ni Isaac Asimov sa BookEnds sa Baguio City noong Nobyembre 12, 20...