mahirap ang may utang lalo't di kayang bayaran
para kang kriminal na nanloloko ng gahaman
nangutang ka, babayaran mo, kayo'y may usapan
may takdang panahon upang mabayaran ang utang
nang dahil sa utang kaya trabaho ng trabaho
may pambayad sa utang kung mayroong sinusweldo
binubuhay na lang ang iba, di ang pamilya mo
ganito ang may utang, para kang kinalaboso
ayokong may utang kahit magdildil man ng asin
ayokong nagtatrabaho lang dahil sa bayarin
ayokong mga inutangan lang ang bubuhayin
ayoko rin namang sila lang ang pabubundatin
kung kakayod ako'y upang pamilya ko'y sumaya
di nababaon sa utang at bulok na sistema
kung di mo kayang magbayad, mangungutang ka pa ba
kahit na sa harap ng hirap at emerhensiya
bayarin sa ospital kaya ka lang mangungutang
upang magamot ang mahal, bituka'y naging halang
dahil sa kakapusan, kahit ano'y dinudukwang
uutang ng uutang sarili na'y pinapaslang
- gregbituinjr.
Mag-subscribe sa:
I-post ang Mga Komento (Atom)
Subic, sakop pa ba ng U.S.?
SUBIC, SAKOP PA BA NG U.S.? natanggal higit tatlong dekada na ang base militar ng Amerika may panukala mga solon nila: Subic ay gawing imbak...
-
NABASA KONG TATLONG AKLAT NI EDGAR CALABIA SAMAR Una kong nakilala ang magaling na awtor na si Edgar Calabia Samar noong maging kaklase ko s...
-
MINSAN, SA ISANG DEMOLISYON Maikling kwento ni Greg Bituin Jr. Nakatunganga siya sa kawalan. Dumating siyang giba na ang kanilang t... -
Dalawang aklat ng science fiction Nabili ko ang librong The Caves of Steal ni Isaac Asimov sa BookEnds sa Baguio City noong Nobyembre 12, 20...
Walang komento:
Mag-post ng isang Komento