PALABAN ANG AKTIBISTA
“Kaysa isang katawang malaya na may kaluluwang alipin, ibig ko pa ng isang katawang busabos na may kaluluwang malaya.” – Lázaro Francisco (1898-1980)
palaban tulad ni Spartacus ang aktibista
nagsasakripisyo man, tuloy sa pakikibaka
kaysa obrerong di mulat sa loob ng pabrika
na para sa sweldo'y alipin ng kapitalista
may mukhang malaya ngunit diwa pala'y alipin
di maisip na nambubusabos ay palayasin
may kayod-kalabaw subalit nagsusuri na rin
kung paanong bayang sawi'y kanilang palayain
tinatahak ng aktibista'y bihirang daanan
pagkat pagbabagong mithi'y madawag na larangan
pagkat pakikibaka'y masalimuot na daan
pagkat ang tinatahak ay maputik na lansangan
di dapat maging alipin ang isip, puso't gawa
kundi makibaka tayo patungo sa paglaya
- gregbituinjr.
Mag-subscribe sa:
I-post ang Mga Komento (Atom)
Pamasahe ng ubanin
PAMASAHE NG UBANIN kapag nagbayad ako ng bente imbes ang sukli ko ay siyete susuklian ako ng nuwebe dapat pamasahe ko ay trese akala se...
-
Soneto 3 sa World Poetry Day 2020 (sa anyo ng 2-3-4-3-2) W orld Poetry Day, na isang araw ng panulaan O araw ng makata't ng tula... -
OKTUBRE NA, WALA PA RING NAKUKULONG NA CORRUPT wala pa ring nakukulong, Oktubre na aba'y paikot-ikot lang ang istorya may ghost flood co... -
MABABAW MAN ANG KALIGAYAHAN KO mababaw lang daw ang kaligayahan ko kaya natatawa sa mumunting bagay dahil diyan, napaisip tuloy ako: ano ang...
Walang komento:
Mag-post ng isang Komento